ජනාධිපති ඩොනල්ඩ් ට්‍රම්ප් විසින් ඉංග්‍රීසි භාෂාව එක්සත් ජනපදයේ
නිල භාෂාව බවට පත් කිරීමේ විධායක නියෝගයකට අත්සන් තබා තිබේ.
එහි තේරුම ෆෙඩරල් අරමුදල් ලබන රජයේ ආයතන සහ සංවිධානවලට ඉංග්‍රීසි හැර වෙනත් භාෂාවලින් ලේඛන සහ සේවා පිරිනැමීමට අවශ්‍යද යන්න තෝරා ගත හැකි බවයි.
2000 දී හිටපු ජනාධිපති බිල් ක්ලින්ටන් විසින් අත්සන් කරන ලද ඉංග්‍රීසි නොවන කතා කරන්නන්ට භාෂා සහාය ලබා දීම සඳහා එවැනි ආයතනවලට අවශ්‍ය කරන ප්‍රතිපත්තිය එමගින් අවලංගු වේ.
"ඉංග්‍රීසි භාෂාව රාජ්‍ය භාෂාව ලෙස ස්ථාපිත කිරීම සන්නිවේදනය විධිමත් කරනවා පමණක් නොව, බෙදාගත් ජාතික වටිනාකම් ශක්තිමත් කරන අතර වඩාත් ඒකාබද්ධ හා කාර්යක්ෂම සමාජයක් නිර්මාණය කරනු ඇත,"
යනුවෙන් එම නියෝගයේ සඳහන් වේ.
වසර 250 කට පමණ පෙර රට ආරම්භ කිරීමෙන් පසු එක්සත් ජනපදය ෆෙඩරල් මට්ටමින් නිල භාෂාවක් නම් කළ පළමු අවස්ථාව මෙය බව සනිටුහන් කරයි.
කෙසේ වුවත් ඒජන්සිවලට දැනටමත් ලබා දෙන එවැනි ආධාර වෙනස් කිරීමට, ඉවත් කිරීමට හෝ නැවැත්වීමට අවශ්‍ය නොවන බව නියෝගයේ සඳහන් ය.
එක්සත් ජනපද සංගණන කාර්යාංශයට අනුව, රටේ මිලියන 340 ක පදිංචිකරුවන්ගෙන් මිලියන 68 කට ආසන්න ප්‍රමාණයක් ඉංග්‍රීසි නොවන වෙනත් භාෂාවන් කතා කරති.
මෙයට ස්වදේශික ඇමරිකානු භාෂා 160කට වඩා ඇතුළත් වේ.
සංගණන කාර්යාංශයට අනුව, ඉංග්‍රීසි භාෂාවට පසු වැඩිපුරම කතා කරන භාෂා අතර ස්පාඤ්ඤ, විවිධ චීන භාෂා සහ අරාබි භාෂා වේ.
රිපබ්ලිකන්වරු මීට පෙර ඉංග්‍රීසිය එක්සත් ජනපදයේ නිල භාෂාව ලෙස නම් කිරීමට උත්සාහ කර ඇති අතර, 2021 දී මන්ත්‍රී මණ්ඩලයේ සාමාජිකයින් ඊට අදාළ නීති සම්පාදනය කිරීම අසාර්ථක විය.
ඔවුන්ගේ උත්සාහයන්ට විරුද්ධ වූ අය පැවසුවේ ඉංග්‍රීසි කතා කරන පුද්ගලයින් විශාල සංඛ්‍යාවක් සිටින බැවින් එය එසේ නම් නොකර රාජ්‍ය භාෂාවක් අවශ්‍ය නොවන බවයි.
එක් භාෂාවක් ස්ථාපිත කිරීමෙන් ඉංග්‍රීසි නොවන කතා කරන්නන්ට එරෙහිව වෙනස්කම් කිරීම ප්‍රවර්ධනය කළ හැකි බව ද ඔවුහු පැවසූහ.
2024 දී ඔහුගේ ජනාධිපතිවරණ ව්‍යාපාරය අතරතුර, ට්‍රම්ප් දැඩි සංක්‍රමණ ප්‍රතිපත්ති සඳහා ඉල්ලා සිටියදී ඉංග්‍රීසි නොවන භාෂා ගැනද අවදානය යොමු කළේය.
"ඒක තමයි පිස්සුම දේ - මේ රටේ කවුරුත් කවදාවත් අහලා නැති භාෂා එයාලට තියෙනවා. ඒක හරිම භයානක දෙයක්," ඔහු 2024 පෙබරවාරි මාසයේදී ආධාරකරුවන් පිරිසක් අමතමින් පැවසීය.
ලොව පුරා රටවල් 180 ක් පමණ නිල ජාතික භාෂා ඇති අතර බොහෝ රටවල් බහු නිල භාෂා පිළිගනී.
එක්සත් රාජධානිය ඇතුළු රටවල් කිහිපයකට නිල භාෂාවක් නොමැත.
එක්සත් ජනපද ප්‍රාන්ත 30 කට වැඩි ප්‍රමාණයක් ඉංග්‍රීසි රාජ්‍ය භාෂාව ලෙස නම් කර ඇති අතර ඇලස්කාව සහ හවායි ද ස්වදේශීය භාෂා කිහිපයකට නිල තත්ත්වය ලබා දී ඇත.
