පසුගිය දිනවල ලොව පුරා ආන්දෝලනාත්මක නඩු විභාගයක් වූයේ හොලිවුඩ් නළු ජොනී ඩෙප් සහ ඇම්බර් හර්ඩ් අතර පැවති නඩු විභාගයයි.
පිරිමි පස් දෙනෙකුගෙන් යුත්, කාන්තාවන් දෙදෙනෙකුගෙන් යුත් ජූරි සභාව, දින තුනකට වැඩි කාලයක් සාකච්ඡා කිරීමෙන් පසුව, හර්ඩ් විසින් ඩෙප්ට අපහාස කර ඇති බව සොයා ගත් අතර, ඔහුට ඩොලර් මිලියන 10 ක වන්දි හානියක් සහ ඩොලර් මිලියන 5 ක දණ්ඩනීය හානි ප්‍රදානය කරන ලදී.
ඒ අතරම, ජූරි සභාව සොයා ගත්තේ 58 හැවිරිදි ඩෙප් 36 හැවිරිදි හර්ඩ්ට එරෙහිව අපහාසාත්මක ප්‍රකාශ කර ඇති අතර ඇයට ද වන්දි ලබා දුන් නමුත් එය ඩොලර් මිලියන 2 කට වඩා අඩු මුදලකි.ඩෙප්ගේ නීතීඥ විසින් ඇම්බර්ටගේ අපයෝජන චෝදනා ප්‍රෝඩාවක් ලෙස හැඳින්වූ විට ඇම්බර්ට ද අපකීර්තියට පත් වූ බැවින් ඇම්බර්ට ඩොලර් මිලියන 2 ක් ලැබිය යුතු බවට ජූරි සභාව නියෝග කළේය.
සති කිහිපයක් රූපවාහිනියෙන් විකාශය වෙමින් තිබූ නඩු විභාගය මෙම තීන්දුවෙන් අවසන් උනා. එක්සත් ජනපද අගනුවර අසල ෆෙයාර්ෆැක්ස් ප්‍රාන්තයේ පරිවාර උසාවියේදී තීන්දුව කියවන විට සහ පසුව ප්‍රතිඵලය ප්‍රකාශයට පත්වූ පසුව තමා කම්පාවට පත්වූ බව ඇම්බර් හර්ඩ් ප්‍රකාශ කළාය.
"අද මට දැනෙන කලකිරීම වචනයෙන් කියන්න බෑ," ඇය නිවේදනයක් නිකුත් කරමින් කියා සිටියාය. "මගේ හිටපු ස්වාමිපුරුෂයාගේ අසමාන බලය, බලපෑම සහ රංගනයට එරෙහිව නැගී සිටීමට සාක්ෂි කන්ද තවමත් ප්‍රමාණවත් නොවීම ගැන මම හදවත කම්පා කරනවා."මෙම තීන්දුව හරහා අනෙකුත් කාන්තාවන්ට සිදුවන දේ ගැන මම ඊටත් වඩා කලකිරෙනවා," ඇය පැවසුවාය. "එය පසුබෑමක්. කාන්තාවන්ට එරෙහි හිංසනය බැරෑරුම් ලෙස සැලකිය යුතුය යන අදහස මෙමගින් පසුපසට තල්ලු කරනවා."
මෙම නඩු තීන්දුව සම්බන්ධයෙන් මහේෂ් හපුගොඩ සිය මුහුණු පොතේ මෙසේ ලියා ඇත.
ජොනි ඩෙප් සහ ටෝක්සික් ජුලියට්ලා - මහේෂ් හපුගොඩ
ජොනි ඩෙප් ඇම්බර් හර්ඩ් නඩුවේ මුල් අවස්ථාවේම මම හිතුවා ඩෙප් දිනයි කියල. මම ඒක ලිව්වා. මොකද ඇම්බර් ඒ තරමටම මුල ඉඳලම මේ නඩුව ඇතුලේ පජාත උණා.
බලන්න සෙලිබ්‍රටි ලස්සන ඇතුලේ ඉඳල තියන ත්‍රාඩ ගැහැණිය... සහ ගැහැණියක් වීම නිසාම ලෝකයේ අනුකම්පාව එයාට එයි කියල හිතල කැත වැඩ කරලා තියන හැටි. තනිකර විෂ (toxic femininity).
අපි ගොඩක් දකින්නේ පාදඩ පිරිමි කතා වස්තු. හැබැයි ඒ තරමටම පාදඩ සහ ත්‍රාඩ ආත්මයක් ස්ත්‍රියක් ඇතුළෙත් ඉන්න පුළුවන්. මේ සෙලිබ්‍රිටි නඩුවෙන් ඔප්පු උනේ ඒක. නිකම් හිතන්න තවත් දහසකුත් එකක් සාමාන්‍ය නඩු ගැන.
බටහිර ඉන්නේ ආදරය ඇතුලේ ජීවිතය පුදකළ ජුලියට්ලා විතරක් නෙවෙයි. පසු ධනවාදයේ ජුලියට්ලා ඇතුලේ ටෝක්සික් පාතාල ගැහැණුත් ඉඳල තියනවා.
ජොනී දිනපු එක ගැන නම් පට්ට සතුටුයි. හිරුණිකා ගැන නම් හැමෝම කවි ලියනවා පේනවා.
ඒ දෙක දෙකක්....
විශේෂයෙන් බලය එක්ක සෙල්ලම් කරපු ත්‍රාඩ පාතාල පිරිමි ලෝකෙක හිරුණිකාගේ පැවැත්ම තේරුම් ගන්න පුළුවන්.
හැබැයි කිසිවෙක් අහිංසක නම් නැහැ....
@ Ladyleader.lk
