විනිසුරු මුර්දු ප්‍රනාන්දු මෙරට අගවිනිසුරුවරිය ලෙස පත්කිරීමේ නිර්දේශය
ආණ්ඩුක්‍රම ව්‍යවස්ථා සභාව විසින් අනුමත කර තිබේ.
ඉකුත් ඔක්තෝම්බර් 10 වනදා, මෙරට වැඩබලන අගවිනිසුරු ලෙස ශ්‍රේෂ්ඨාධිකරණ විනිසුරු මුර්දු නිරූපා බිදුශිනී ප්‍රනාන්දු දිවුරුම් දී තිබුණි.
ඇය මොරටුව වේල්ස් කුමරි විද්‍යාලයේ ආදි සිසුවියක් වන අතර, කොළඹ විශ්වවිද්‍යාලයේ නීතිවේදී උපාධිධාරිණියක්ද වේ.
1985 වසරේදී නීතිපති දෙපාර්තමේන්තුව හා එක්වී ඇති අතර 1997 වසරේදී ඇය නියෝජ්‍ය සොලිසිටර් ජනරාල්වරියක් ලෙසත්, 2014 වසරේ දී අතිරේක සොලිසිටර් ජනරාල් තනතුරටත් උසස් වී තිබෙන බව වාර්තා වේ.
